ဟော်လန် နည်းပြ ရော်နယ်ကိုးမန်း က သူတို့ အသင်း အင်္ဂလန် ကို အနိုင်ယူကာ Nations League ဖိုင်နယ်ကို တက်လှမ်း နိုင်ခဲ့ရာမှာ ကွင်းလယ်လူ ဖရန်ကီ ဒီဂျောင်း ဟာ အသင်း အတွက် အကောင်းဆုံး စွမ်းဆောင် ခဲ့သူ ဖြစ်တယ် ဆိုတာ သံသယ ဖြစ်စရာ မလိုဘူးလို့ ဆိုသွား ပါတယ်။ ဒါ့အပြင် ကိုးမန်း က အင်္ဂလန် ကို ၃ – ၁ နိုင်ခဲ့တဲ့ ပွဲမှာ ဒီဂျောင်း ရဲ့ လူတွေ သတိ မပြု လောက်တဲ့ စွမ်းဆောင်ရည်ကိုလည်း သဘောကျ နေပါတယ်။

ဘာစီလိုနာ ကို ယခုနွေရာသီ မှာ ပြောင်းရွေ့ တော့မယ့် ဒီဂျောင်းဟာ မနေ့ညက ဂွီမာရေး မှာ နယ်သာလန် အတွက် တောက်ပစွာ ကစား ပေးခဲ့ပါတယ်။ နယ်သာလန် အသင်းဟာ မားကပ်ရပ်ဖို့ဒ်ရဲ့ ပင်နယ်တီကြောင့် နောက်ကနေ လိုက်ကစား ခဲ့ရပေမယ့်လည်း ဒီလစ်ဟာ အင်္ဂလန် ကို ပင်နယ်တီ ပေးခဲ့ရတဲ့ သူ့ရဲ့ အမှားကို ခေါင်းတိုက် သွင်းဂိုးနဲ့ အတူ ပြန်လည် ချေပ ခဲ့ပါတယ်။

ထို့နောက် မိနစ်ကိုးဆယ်မှာ သရေ ကျနေခဲ့တာကြောင့် အချိန်ပို ဆက်ကစား ခဲ့ရပြီး အချိန်ပို မှာတော့ စတုန်းရဲ့ အမှားကို ဒီပိုင်း ကန်သွင်းရာမှာ ပစ်ဖို့ဒ် အကောင်းဆုံး ကာကွယ် နိုင်ခဲ့ပေမယ့်လည်း ပြန်ထွက်လာတဲ့ ဘောလုံးကို နယ်သာလန် ကစားသမား တစ်ဦးက ပိတ်သွင်းရာမှာ ဝေါ်ကာနဲ့ ထိကာ ဂိုးထဲ ၀င်သွား ခဲ့ပါတယ်။ ဒါ့အပြင် ပွဲပြီးခါနီးမှာ ဘာကလေရဲ့ အမှားကနေ ကွင်စီပရိုမက်စ် က ပိတ်သွင်းကာ နယ်သာလန်ကို ဗိုလ်လုပွဲရောက်စေ ခဲ့ပါတယ်။

နှစ်ဘက် ကစားသမားတွေရဲ့ အမှားတွေဟာ သွင်းဂိုးတွေ ဖြစ်စေ ခဲ့ပေမယ့်လည်း ဒီဂျောင်းဟာ နယ်သာလန် ရဲ့ ကွင်းလယ်မှာ တည်ငြိမ်စွာနဲ့ ကစားခဲ့ကာ ဘောလုံးပေးပို့မှု ၁၀၅ ကြိမ် ၊ ဘောလုံး ထိချက်ပေါင်း ၁၂၈ ကြိမ် ပြုလုပ် နိုင်ခဲ့ပြီး နှစ်ဘက် အသင်းသားတွေ ထဲမှာ အများဆုံး ဖြစ်ပါတယ်။ ဒီဂျောင်းဟာ သူ့ရဲ့ ပုံမှန် ကစားဟန် အတိုင်း တောက်ပစွာ ကစား နိုင်ခဲ့သလို ဘောလုံး ပြန်လည် ဆယ်ယူမှုပေါင်း ၁၃ ကြိမ် နဲ့ ဘောလုံး ဖျက်ထုတ်မှု ၅ ကြိမ်ထိ ပြုလုပ် နိုင်ခဲ့ကာ ဒီလို ခံစစ် စွမ်းရည်ကောင်းကို ကိုးမန်း က ပိုမို သဘောကျ နေပါတယ်။

ကိုးမန်း က “အမှန်ပါပဲ။ သူဟာ ဒီပွဲရဲ့ အကောင်းဆုံး ကစားသမားပါ။ သူဟာ အကောင်းဆုံး ကစားသမားဆု နဲ့ တကယ့်ကို ထိုက်တန် ပါတယ်။ လူတော်တော် များများ ကတော့ ဘောလုံး နဲ့ အတူ သူလုပ်ပြတာတွေ ၊ ကွင်းလယ်မှာ ဘယ်လောက် တည်ငြိမ်စွာ ကစားသလဲ ဆိုတာတွေကို အမြဲ ကြည့်လေ့ ရှိပါတယ်။ ဒါပေမယ့် ခံစစ်ကစားပုံမှာ သူဟာ ကွင်းလယ် ကနေ ဘောလုံးတွေ ဘယ်လောက်တောင် ပြန်လည် ရယူ ပေးခဲ့သလဲ … ဖရန်ကီ ဒီလိုမျိုး ကစား နိုင်တာကို တွေ့ရတာ အရမ်း ကောင်းပါတယ်။ ကြည့်ရတာ လွယ်ကူတဲ့ ပုံရှိပေမယ့် လက်တွေ့မှာ ဒီလို ကစားဖို့ မလွယ်ကူ ပါဘူး။ ဒီည ကတော့ သူ့ကို တကယ် ချီးကျူးရမယ့် ညပါပဲ။” လို့ ဆိုသွား ပါတယ်။

တနင်္ဂနွေနေ့ ဖိုင်နယ် မှာတော့ ဘလွန်းဒီအော ဆု အတွက် ရေပန်းစား နေတဲ့ နယ်သာလန် နောက်ခံလူ ဗန်ဒိုက် နဲ့ ဘလွန်းဒီအော ငါးဆုရှင် ပေါ်တူဂီ စတား ရော်နယ်ဒို တို့ ပြိုင်ဘက် အဖြစ် တွေ့ဆုံ ရမှာ ဖြစ်ပါတယ်။ ဒါပေမယ့် ကိုးမန်း က ပေါ်တိုမှာ ကစား ရမယ့် ဗိုလ်လုပွဲကို ဗန်ဒိုက် နဲ့ ရော်နယ်ဒို တို့ရဲ့ အားပြိုင်မှု အဖြစ် မမြင်သင့်ဘူးလို့ ပြောခဲ့ ပါတယ်။

ကိုးမန်း က “ဒါဟာ ကစားသမား နှစ်ဦးကြားက အားပြိုင်မှု မဟုတ်ပါဘူး။ ပေါ်တူဂီ နဲ့ အင်္ဂလန် တို့ရဲ့ အားပြိုင်မှုပါ။ စီရော်နယ်ဒိုကို တစ်ခါတစ်ရံ တားဆီးဖို့ မဖြစ်နိုင်ဘူး ဆိုတာ ကျွန်တော်တို့ သိထား ပြီးသားပါ။ ဒါပေမယ့် ကျွန်တော်တို့ ဘောလုံးကို ကောင်းစွာ ထိန်းချုပ် ကစား နိုင်မယ် ဆိုရင် တိုက်စစ်မှာ သူဘာမှ လုပ်နိုင်မှာ မဟုတ်ပါဘူး။

ကျွန်တော်တို့ရဲ့ တိုက်ပွဲဝင်မှု မပြီးသေး ပါဘူး။ တိုးတက်ဖို့ လိုအပ်တဲ့ အပိုင်းက အမြဲ ရှိနေပါတယ်။ ဒါပေမယ့် ကျွန်တော်တို့ဟာ လမ်းကြောင်းမှန် ပေါ်မှာ ရှိနေပြီး အသင်းဟာ ဒီလို ပုံစံနဲ့ ကစားရတာကို ယုံကြည်မှု ရှိနေပါတယ်။ ကျွန်တော်တို့မှာ ကြီးမားတဲ့ အရည်အသွေးမြင့် ကစားသမားတွေ ပေါ်ထွက် လာသလို ၀ါရင့် ကစားသမားတွေလည်း ရှိပါတယ်။ ပြီးတော့ ချန်ပီယံလိဂ် ဖလား ဆွတ်ခူး ခဲ့တဲ့ သူ နှစ်ဦး ရှိနေပါတယ်။ သူတို့ရဲ့ ဒီရာသီ အတွေ့အကြုံတွေကြောင့် လာမည့် တနင်္ဂနွေနေ့ ဖိုင်နယ်မှာ ကျွန်တော်တို့ကို ပိုမို လွယ်ကူမှု ရှိစေမှာပါ။” လို့ ဆိုလိုက် ပါတယ်။

SM