လီဗာပူး နဲ့ အင်္ဂလန် လက်ရွေးစင် ကွင်းလယ်လူဟောင်း ဒန်နီ မာဖီက ဒီနွေမှာ မန်ချက်စတာ ယူနိုက်တက် အသင်းဆီ ပေါင်73သန်းနဲ့ ပြောင်းရွှေ့လာခဲ့တဲ့ တောင်ပံတိုက်စစ် ကစားသမား ဖြစ်သူ ဂျေဒန် ဆန်ချိုရဲ့ ဆုံးဖြတ်ချက်တွေ ကောင်းမွန်မှုက အသင်းအတွက် အကျိုးဖြစ်စေလိမ့်မယ်လို့ ပြောခဲ့လိုက်ပါတယ် ။

ဆန်ချိုဟာ ဒီနွေမှာ ယူနိုက်တက် အသင်းဆီ ပြောင်းရွှေ့ခဲ့သူ ဖြစ်ပြီး အခုတော့ အသင်းနဲ့ လေ့ကျင့်ရေးတွေ အတူ လုပ်ဆောင်နိုင်ခဲ့ပြီပဲ ဖြစ်ပါတယ် ။ ဒါ့ကြောင့် သူဟာ ယူနိုက်တက်တို့ ရာသီအဖွင့်ပွဲစဥ် အဖြစ် လိဒ်စ် ယူနိုက်တက် အသင်းနဲ့ ကစားမယ့် ပွဲစဥ်မှာ သူဟာ ပါဝင်လာဖို့ ရှိနေပါတယ် ။

ဒီကိုနိပ်ပြီး ငွေသား ၁၆၀၀၀၀ကျပ်ရယူပါ။

မန်ချက်စတာ ယူနိုက်တက် အသင်းဟာ ပြီးခဲ့တဲ့ ရာသီတုန်းက ညာတောင်ပံ တိုက်စစ် နေရာမှာ အားနည်းချက် ရှိခဲ့တဲ့ အသင်းပဲ ဖြစ်ပါတယ် ။ အခုတော့ လျင်မြန်သလို ဂိုးသွင်းမှု ၊ ဖန်တီးမှုတွေပါ လုပ်ဆောင်နိုင်တဲ့ ဆန်ချိုဟာ အသင်းကို ပိုကောင်းစေနိုင်လိမ့်မယ်လို့ ထင်ကြေးပေးခံ နေခဲ့ရ ပါတယ် ။

အခုတော့ လီဗာပူး ကွင်းလယ်လူဟောင်း ဒန်နီ မာဖီ ကလည်း ဆန်ချို ရောက်လာခဲ့ခြင်းက ဆိုးလ်ရှား အတွက် ရွေးချယ်မှုတွေကို ဖြစ်ပေါ်စေမယ်လို့ ယုံကြည်ကြောင်း ၊ သူ့ကြောင့် ဂရင်းဝုဒ်ဟာ ကစားချင်တဲ့ နေရာမှာ ကစားခွင့် ရရှိလိမ့်မယ်လို့ ထင်မှတ်ကြောင်း ပြောကြား သွားခဲ့လိုက်် ပါတယ် ။

” သူရောက်လာခြင်းက အိုလီ ဂန်နာ ဆိုးလ်ရှား အတွက် ရွေးချယ်ခွင့် တွေကို ပေးဆောင်သွားမှာပါ ။ သူဟာ ညာဖက်အခြမ်းမှာ ကစားရတာကို နှစ်ခြိုက်ပါတယ် ။ အဲ့တာက မေဆွန် ဂရင်းဝုဒ်ကို သူ ကစားချင်တဲ့ တိုက်စစ် နေရာမှာ ကစားခွင့်တွေ ပိုမို ရရှိစေနိုင်ပါ လိမ့်မယ် ”

” ဆန်ချိုမှာ ရှိနေခဲ့တဲ့ အရည်အသွေးတွေက တောင်ပံ တိုက်စစ် ကစားသမားတစ်ဦးအတွက် တကယ်ပဲ လိုအပ်လှ ပါတယ် ။ သူဟာ ဂိုးသွင်းမှု ၊ ဖန်တီးမှုတွေကို လုပ်ရာမှာ တိကျသေချာသူ တစ်ဦးပါပဲ ။ သူရဲ့ ထိုးထွင်း သိမြင် နားလည်မှု ၊ ဆုံးဖြတ်ချ ချမှတ်နိုင်မှုတွေက ကောင်းလှပါတယ် ”

” ဘယ်အချိန် ဘောလုံး ပေးပို့ရမလဲ ၊ ဘယ်အချိန် ဖြတ်တင်ဘော ပေးရမလဲ ၊ ဘယ်အချိန်မှာ တကိုယ်ကောင်းဆန်ပြီး ဂိုးသွင်းရမလဲ ဆိုတာတွေကို သူကောင်းကောင်း သိပါတယ် ။ ကွင်းထဲမှာ သူကစားပေးတဲ့ ပုံစံမျိုးက ခံစစ် ကစားသမားတွေအတွက် လူကပ်ကစားရ ခက်ခဲလွန်းစေပါတယ် ”

” သူဟာ ဂိုးဧရိယာဖက်လည်း ဝင်ရောက် ကစားနိုင်စွမ်း ရှိသလို တောင်ပံတစ်လျှောက်လည်း ပြေးလွှားကစားနိုင်စွမ်း ရှိတဲ့အတွက် ဒီလိုကစားသမားမျိုးကို ဟန့်တားရတာ အိပ်မက်ဆိုး တစ်ခုလို ပါပဲ ။ သူဟာ အသင်းနဲ့ လေ့ကျင့်ရေး အစီအစဥ် အနည်းငယ် လုပ်ဆောင်ပြီးတာနဲ့ ကွင်းထဲ ခြေစွမ်းပြနိုင်မယ့် ကစားသမားမျိုးပါ ”

” သူဟာ ယုံကြည်မှု အားကောင်းပြီးသား ကစားသမား တစ်ဦးပါ ။ သူဟာ အသင်းလိုက် ကစားပုံ ပိုကောင်းလို့လည်း ဆိုးလ်ရှားက သူ့ကို နှစ်ခြိုက်နေခဲ့တာပါ ။ သူဟာ စစ်မှန်တဲ့ team player တစ်ဦး ပါပဲ ။ သူက ကာဗာနီ ၊ ဂရင်းဝုဒ် ၊ မာရှယ် ၊ ရပ်ရှ်ဖို့ တို့နဲ့ အတွဲအဖက်ညီအောင် ဖြည့်ကစားပေးနိုင်သူ တစ်ဦးပါပဲ ။ ခမ်းနားတဲ့အသင်းတိုင်းမှာ ဒီလို ကစားသမား လိုအပ်လှပါတယ် ” လို့ မာဖီ က ပြောခဲ့လိုက် ပါတယ် ။