အင်္ဂလန် လက်ရွေးစင် ဂိုးသမား အာရွန်ရမ်ဒေးလ် ဟာ အာဆင်နယ် အသင်းကို ပြောင်းရွှေ့ ရောက်ရှိ လာတော့မယ်လို့ သတင်းတွေ ထွက်ပေါ် လာပြီးနောက် ပရိသတ်အချို့ဟာ ကစားသမားရဲ့ ဆိုရှယ် မီဒီယာ အကောင့်မှာ သွားရောက် ဆဲဆို ပြစ်တင် ခဲ့ကြပါတယ် ။ ဒါကြောင့် ရမ်ဒေးလ် ဟာ သူ့ရဲ့ ဆိုရှယ်မီဒီယာအကောင့်မှာ comment box ကို limit လုပ် ခဲ့ရပါတယ် ။

အာဆင်နယ် အသင်း နည်းပြ အာတီတာ က ချဲလ်ဆီး အသင်း နဲ့ ပွဲကြို သတင်းစာ ရှင်းလင်းပွဲမှာ ဝေဖန်မှုတွေ ခံနေရတဲ့ ရမ်ဒေးလ် ဘက်က ကာကွယ် ပြောကြား လိုက်ပြီး ပရိသတ်တွေ အနေနဲ့ ရမ်ဒေးလ် ကို ချစ်ခင်လာကြလိမ့်မယ်လို့ ယုံကြည်ကြောင်း ပြောကြား သွားခဲ့ပါတယ် ။

ဒီကိုနိပ်ပြီး ငွေသား ၁၆၀၀၀၀ကျပ်ရယူပါ။

အာတီတာ က ” ပရိသတ်တွေအနေနဲ့ သူ့ရဲ့ကိုယ်ရည်ကိုယ်သွေး ၊ ခံယူချက် ၊ စရိုက် လက္ခဏာ ကို သဘောကျသွားကြလိမ့်မယ်လို့ ယုံကြည်ပါတယ် ၊ သူ့မှာ ဂိုးသမား တစ်ဦး ရှိသင့်တဲ့ အရည်အသွေးကောင်းတွေ အားလုံး ရှိပါတယ် ၊ အသင်းအတွက်လည်း အများကြီး လုပ်ပေးနိုင်မယ့်သူပါ ။ ”

” သူ့ကို အချိန် အနည်းငယ်တော့ ပေးရမယ် ထင်ပါတယ် ၊ သူက အလားအလာကောင်းတွေ ရှိတဲ့ လူငယ် ဂိုးသမား တစ်ဦး ဖြစ်ပါတယ် ။ ”

ရမ်ဒေးလ် တစ်ယောက် ချဲလ်ဆီး နဲ့ ပွဲမှာ ပါဝင်နိုင်မှာလား ဆိုတဲ့ မေးခွန်းကို အာတီတာ က ” ကျွန်တော်တို့ စောင့်ကြည့် ရပါဦးမယ် ၊ စာချုပ်စာတမ်း ကိစ္စတွေ ပြီးပြတ်ဖို့ ကျန်ရှိနေပါသေးတယ် ၊ သူ ဆေးစစ်မှုလည်း ခံယူ ပြီးပါပြီ ၊ ရှက်ဖီး အသင်းနဲ့ မပြီးပြတ်သေးတာတွေ ကျန်ရှိနေသေးတာကြောင့်ပါ ၊ ဒါကြောင့် ကျွန်တော် စောင့်ဆိုင်းရပါမယ် ။ ”

နံပါတ် တစ် နေရာကို အပြိုင်လုကြမယ့် ဂိုးသမားကောင်း နှစ်ဦး ရှိနေတဲ့ အပေါ် အာတီတာ က ” ဒါက ကျွန်တော်တို့ လိုချင်တဲ့ အရာပါပဲ၊ အရင်ကတည်းက ဒီလိုပဲ ရည်ရွယ် ထားခဲ့တာပါ ၊ ဘာအသစ်အဆန်းမှ မဟုတ်ပါဘူး ။ ”

” နှစ်ယောက်စလုံးက မတူညီတဲ့ပရိုဖိုင် ၊ ကစားသမားဘဝ ဖြတ်သန်းမှု တွေနဲ့ပါ ၊ အာရွန်​က ကလပ် အသင်းမှာရော နိုင်ငံ အသင်းမှာပါ အတွေ့အကြုံကောင်းတွေ အများကြီး ရှိတဲ့ လူငယ် ဂိုးသမား တစ်ဦးပါ ။ ”

” သူ ရောက်လာတာက ပြိုင်ဆိုင်မှု ဖြစ်စေပါလိမ့်မယ် ၊ ဒါ ကျနော်တို့ လိုချင်တဲ့ အရာပါပဲ ၊ နေရာတိုင်းမှာ ပြိုင်ဆိုင်မှုတွေ ရှိနေအောင် ဖန်တီး သွားမှာပါ ၊ ကောင်းမွန်တဲ့ ပြိုင်ဆိုင်မှု ပေါ့ဗျာ ၊ ကျွန်တော်တို့ ဂိုးသမား လိုအပ် နေခဲ့ပါတယ် ၊ ဒါကြောင့် အာရွန် ကို အဓိ​က ပစ်မှတ် အဖြစ် သတ်မှတ် ခဲ့တာပါ ။ ” လို့ ပြောကြား သွားခဲ့ပါတယ် ။